आग लागि हुंदा १५ वर्षिय समिर खनालको मृत्यु भएको छ

बागलुङ, ८ बैशाख – जिल्लाको बरेङ गाउँपालिका–३ बाटाकाचौरका वडा अध्यक्ष पूर्ण खनालको घरमा आगलागी हुदाँ उनका कान्छा छोरा समिर खनालको मृत्यु भएको छ । छिमेकी गुल्मी जिल्ला चन्द्रकोट गाउॅपालिका–४ शान्तिपुरको बसपार्कमा रहेको वडाध्यक्ष खनालको घरमा सोमवार दिउसो आगलागी भएको हो । आगलागीमा परेर एकै परिवारका एक जनाको मृत्यु भएको र तीन जना घाइते भएको चन्द्रकोट प्रहरी चौकीका इन्चार्ज रामप्रसाद धबलले बताए । बसपार्कमा रहेको खनाल स्टोर्समा आगलागी हुदाँ वडा अध्यक्ष खनालका कान्छा छोरा १५ वर्षिय समिर खनालको मृत्यु भएको छ । आगलागीको कारण खुल्न नसकेको प्रहरीले जनाएको छ ।
आगलागीले पसलको सबै सामग्री जलेर नष्ट भएको छ । घरबाटै डिजल, पेट्रोलसमेत विक्रि गर्दै आएकाले तत्काल आगो नियन्त्रणमा आउन नसकेको प्रहरीले जनाएको छ । परिवारका चारै जना घरभित्र रहेको भएपनि अर्को घरबाट तत्काल तीन जनाको उद्धार सम्भव भएको तर, एक जनाको उद्धार गर्न नसकिएको स्थानीय नरबहादुर बिकले बताए । घाईते वडाध्यक्ष खनाल र उनकी श्रीमतीलाई उपचारका लागि पाल्पा पठाइएको बिकले बताए । अपडेट