भिरकोट मा पनि १जना मा कोरोना पोजेटीभ भएको पुष्टी ! यो संगै जिल्लामा कोरोना संक्रमितको संख्या ३८ पुगेको छ

वालिङ : आइतबार वालिङमा थप १३ जना नयाँ कोरोना संक्रमित पुष्टि भएका छन् । आईतबार थपिने संक्रमितहरुमा सबै पुरुष रहेको र १७ देखि ५२ वर्षसम्मका उमेरका छन ।

२६ पुरुष र एक महिला गरि वालिङमा जम्मा सङ्क्रमितको संख्या २७ पुगेको हो ।

यो, संगै भीरकोटमा पहिलो संक्रमित पुष्टि भएको छ ।

वालिङ नगरपालिकाको क्वारेन्टाइनमा १३२ जना रहेका छन् । २२ जना कालिका सामुदायिक अस्पतालको आईशोलेसन र ४ जना जिल्ला अस्पतालको आईशोलेसनमा रहनेका छन् । त्यस्तै हालसम्म पिसिआर रिपोर्ट नेगेटिभ आएर ६० जना घर फर्किएका छन् ।

संक्रमित सबै हभर्खरै मात्र भारतबाट फर्किएर क्वारेन्टाइनमा बस्दै आएका थिए ।

हाल सम्म वालिङमा २६, चापाकोटमा ४, गल्याङमा २ र भीरकोट नगरपालिकामा १ जनामा कोरोना संक्रमित पुष्टि भएको छ भने गाउँपालिका तर्फ हरिनासमा २, बिरुवामा १ र कालीगण्डकीमा १ जनामा कोरोना संक्रमित पुष्टि भएको छ भने आरडिटीबाट पुतलीबजारमा १ जनामा संक्रमण देखिएको जिल्ला स्वास्थ्य कार्यालय स्याङ्जाका प्रमुख यामप्रसाद शर्माले जानकारी दिनुभयो ।

यो संगै जिल्लामा कोरोना संक्रमितको संख्या ३८ पुगेको छ ।

करीब एक हजारको हाराहारीमा जिल्लामा भारत बाट आएकालाइ क्वारेन्टाइनमा राखिएको छ ।